काठमाडौं– नेपाल न्यूरोसर्जन समाजको अध्यक्षमा डा यम बहादुर रोका चयन भएका छन्। काठमाडौंमा सम्पन्न समाजको चौंथो सम्मेलनबाट डा रोका अध्यक्षमा चयन भएका हुन्।
नेपाल न्यूरोसर्जन समाजले काठमाडौंमा चौंथो अन्तर्राष्ट्रिय न्यूरो सर्जन सम्मेलन तथा आठौं साउथ एसियन न्यूरो सर्जन सोसाइटी सम्मेलन आयोजना गरेको हो।
तीन दिनसम्म चलेको सम्मेलनमा नेपाल सहित क्यानडा, जापान, चीन, बंगलादेश, भारत, फिलिपिन्स, श्रीलंका, माल्दिभ्स, पाकिस्तान लगायतका देशबाट २०० भन्दा बढी सहभागी थिए। सम्मेलनमा न्यूरो सर्जनहरुले कार्यपत्र समेत प्रस्तुत गरेका थिए।
