काठमाडौं– पाल्पाको रानीमहल जाँदै गरेको एक गाडी दुर्घटना हुँदा ६ जनाको मृत्यु भएको छ। तानसेनबाट रानीमहल जाँदै गरेको बागमती प्रदेश ०१–०२६ च ७२०९ नं. को स्कारपियो जीप दुर्घटनामा परेको हो।
जिल्ला ट्राफिक प्रहरी कार्यालय पाल्पाका अनुसार जीप दुर्घटनामा परी ६ जनाको घटनास्थलमै मृत्यु भएको हो।
दुर्घटनामा परेकाहरू तीन जना महिला, दुई बालबालिका र एक पुरूष रहेका छन्। दुर्घटनामा परी एक जना गम्भीर घाइते भएका छन्। घाइतेको उद्धार गरी उपचारको लागि अस्पताल लगिएको छ।
घटनास्थल रानीमहल दरबारदेखि डेढ किलोमिटरको दूरीमा छ। तानसेन नगरपालिका अन्तर्गत पर्ने बैकुण्ठभिरबाट दुर्घटनामा परेको उक्त जीप सडकदेखि ७० मिटर भन्दा तल छांगोमा खसेको छ।
