महिलाहरूले गर्भवती भएपछि सबै कुरालाई सहज रूपमा लिनुपर्छ। तर यसको मतलब काम गर्न पूर्ण रोक लगाउनु हुदैन्। तपाईं गर्भवती हुँदा कसरत गर्नु सबैभन्दा राम्रो चीजहरूमध्ये एक हो। यसका अनगिन्ती फाइदाहरू छन्।
एरोबिक कसरतको लामो सत्रहरू नगर्नुहोस् किनभने तिनीहरूले तपाईंलाई धेरै लाभ बिना थकित बनाउँदछ। डाक्टरको सल्लाह र अनुमतिपछि मात्र मध्यमदेखि उच्च तीव्रताको अभ्यास गर्ने प्रयास गर्नुहोस्।
तीस मिनेट भन्दा बढी व्यायाम नगर्नुहोस्। छोटो अवधिले सही नतिजा दिन सक्दैन तर लामो समयले मांसपेशीमा अवांछनीय प्रभाव पार्न सक्छ। विशेषज्ञको सल्लाह अनुसार आफ्नो लागि सही समय र विधि पत्ता लगाउनुहोस्।
यदि तपाइँ सीमित समय मात्र खर्च गर्न सक्नुहुन्छ भने तपाइँले अधिक समयकुशल अभ्यासको लागि प्रयास गर्नुपर्छ। यदि तपाइँ एकै समयमा सबै व्यायाम गर्न असमर्थ हुनुहुन्छ भने तपाइँ दुई साना सत्रहरू पनि गर्न सक्नुहुन्छ।
एक उच्च तीव्रता व्यायाम पनि जोखिमपूर्ण हुन सक्छ। ओभरट्रेनिङ गर्दा वा चोटपटक लागेमा मूल्यवान गर्भ गुमनसक्ने वा नकरात्मक परिणामहरू हुन सक्छ।
उच्च एरोबिक क्षमता हुनु अर्थात कसरतको बेला मुटुको धड्कन धेरै नबड्नु, रक्तचाप र कोलेस्ट्रोल कम हुनु आदि व्यायामका केही फाइदाहरू हुन्। यी अवधिहरूको लागि १५ देखि २० मिनेट पर्याप्त हून्छ।
केगेल व्यायाम भनिने एक प्रकारको पेल्भिक फ्लोर व्यायामले महिलाहरूलाई सजिलै र सहज रूपमा जन्म प्रक्रिया पार गर्न मद्दत गर्दछ र डेलिभरीपछि तपाईंको पेल्भिक फ्लोर मांसपेशिहरु लाई बलियो बनाउन मद्दत गर्दछ।
(डा गुप्ता परोपकार प्रसूति तथा स्त्रीरोग अस्पताल,थापाथलीमा कार्यरत छन्।)
