धनगढी- क्वारेनटाइनमा बस्दै आएकी महिलामाथि शनिबार राती यौन दुर्व्यवहार गरेको आरोपमा प्रहरीले तीनजनालाई पक्राउ गरेको छ।
शनिबार राती सवा १२ बजेतिर क्वारेन्टाइनमा खटिएका एक स्वास्थ्यकर्मी र दुई जना सहयोगीले आफूमाथि सामुहिक बलात्कार प्रयास गरेको पीडित महिलाले आरोप लगाएपछि उनीहरूलाई पक्राउ गरिएको प्रहरीले जानकारी दिएको हो।
घटनाबारे थप अनुसन्धान भइरहेको प्रहरीले जनाएको छ। महिला पीडित भएको भन्दै दोषीमाथि कारबाहीको माग गर्दै स्थानीयले लम्की बजारमा विरोध प्रदर्शन गरेका छन् । लम्की चौराहामा चक्काजाम गर्दै उनीहरुले विरोध गरेका हुन्।
आक्रोशित भीडले लम्कीचुहा नगरपालिका वडा नम्बर १ को वडा कार्यालय समेत घेराउ गरेका छन्। वडा कार्यालयमाथि घेराउ गर्ने क्रममा वडा कार्यालयमा कार्यरत एक जना कर्मचारी पूजा ताम्राकार घाइते भएको प्रहरीले जनाएको छ।
बलात्कारबाट पीडित भनिएकी महिला जेष्ठ २० गते गौरीफन्टा नाकाबाट आएर एक विद्यालयमा बनाइएको क्वारेन्टाइनमा बस्दै आएको प्रहरीले जानकारी दिएको छ।
