काठमाडौं- नेपाल फार्मेसी काउन्सिलले फर्मासिष्टहरुको विशेषज्ञता (स्नाकोत्तर) सहितको विवरण अध्यावधिक गर्ने भएको छ।
काउन्सिलले सूचना जारी गर्दै परिषदमा दर्ता भएका फर्मासिष्टहरुले विशेषज्ञता (स्नाकोत्तर) को प्रमाण- पत्र सहितको कागजात सहितको विवरण अध्यावधिक गर्न भनेको छ।
काउन्सिलले स्वास्थ्य मन्त्रालयले परिषदमा दर्ता भएको फर्मासिष्टहरुको विशेषज्ञता (स्नाकोत्तर) सहितको विवरण माग गरेको उल्लेख गर्दै काउन्सिलको वेबसाइट www.nepalpharmacycouncil.org.np गइ Update Specialization बिकल्प छानी आवेदन फारम सहितको विवरण भर्न भनेको छ।
विशेषज्ञता (स्नाकोत्तर) विवरण अध्यावधिक गर्न काउन्सिलले तीन महिनाको समय दिएको छ। अध्यावधिक नगर्ने फर्मासिष्टहरुको हकमा काउन्सिलले त्यस्तो विशेषज्ञतालाइ प्रमाणित गर्न बाध्य नहुने पनि सूचनामा उल्लेख गरेको छ।
यस्तो छ काउन्सिलको सूचना
नेपाल फार्मेसी परिषद्को विशेषज्ञता (स्नाकोत्तर) विवरण अध्यावधिक गर्ने सम्बन्धि अत्यन्त जरूरी सूचना
नेपाल सरकार स्वास्थ्य तथा जनसंख्या मन्त्रालयले यस परिषदमा दर्ता भएको फर्मासिष्टहरुको विशेषज्ञता (स्नाकोत्तर) सहितको विवरण माग गरेको एबम नेपाल फार्मेसी परिषद्को नियमावली, २०५९ को परिच्छेद ७ को ७.४ बमोजिम यस परिषदमा दर्ता भएका फर्मासिष्टहरुले विशेषज्ञता (स्नाकोत्तर) को प्रमाण- पत्र सहितको कागजात सहितको विवरण परिषद्को वेबसाइट www.nepalpharmacycouncil.org.np गइ Update Specialization बिकल्प छानी आवेदन फारम सहितको विवरण यो सूचनाको प्रकाशित भएको मितिले तिन (३) महिना भित्र विवरण अध्यावधिक गर्न यो सूचना प्रकाशन गरिएको छ । विशेषज्ञता (स्नाकोत्तर) विवरण अध्यावधिक नगर्ने फर्मासिष्टहरुको हकमा परिषदले त्यस्तो विशेषज्ञतालाइ प्रमाणित गर्न बाध्य नहुने व्यहोरा सम्बन्धित सवैमा जानकारीको लागि अनुरोध छ ।
नोट : २०८१ फाल्गुण मसान्त सम्म स्नाकोत्तर गरेको हकमा यो सूचना लागु हुनेछ ।
