काठमाडौं- प्रतिनिधि सभामा आज सांसद्सँग मन्त्रीको प्रश्नोत्तर कार्यक्रम रहेको छ। संसद सचिवालयका अनुसार दिउसो १ बजे बस्ने बैठकमा तीन मन्त्रालयसँग सम्बन्धित् प्रश्नोत्तर हुनेछन्।
संसदको कार्यसूचीअनुसार बैठकमा स्वास्थ्य तथा जनसंख्या प्रदीप पौडेल पनि सांसद्का प्रश्नो जवाफ दिनेछन्। यसैगरी वन तथा वातावरण मन्त्री ऐनबहादुर शाही र ऊर्जा तथा सिंचाइ मन्त्री दिपक खड्काले पनि जवाफ दिने कार्यसूची रहेको छ।
बैठकमा अर्थमन्त्री विष्णु पौडेलले धितोपत्र बोर्डसम्बन्धी पहिलो संशोधन विधेयक २०८१ माथि विचार गरियोस् भन्ने प्रस्ताव पेस गर्नेछन् । पूर्वराज्यमन्त्री रामचन्द्र रायको निधनमा शोक प्रस्ताव पारित गर्दै बैठक सकिनेछ ।
