काठमाडौं- पेन्सिलभेनियामा चुनावी र्यालीमा गोली चल्दा अमेरिकाका पूर्वराष्ट्रपति डोनाल्ड ट्रम्प घाइते भएका छन्। उनको दायाँ कानलाई छोएर गोली निस्किएको हो।
शनिबार राति ट्रम्पको चुनावी र्याली चलिरहेका बेला गोली चलाइएको हो। उक्त र्यालीमा धेरैपटक गोली चलेको आवाज सुनिएको प्रत्यक्षदर्शीले बताएका छन्। एकजनाको मृत्यु समेत भएको बताइएको छ।
घटनापछि ट्रम्पलाई तुरुन्तै अस्पताल लगिएको छ। गोली हान्ने व्यक्ति अमेरिकी सिक्रेट सर्भिसको कारबाहीमा मारिएको बताइएको छ।
