काठमाडौं- काठमाडौंको त्रिपुरेश्वरस्थित ब्लु क्रस हस्पिटलले चन्द्रागिरि दर्शन गर्नेहरुको लागि निःशुल्क स्वास्थ्य परीक्षण गर्ने भएको छ। ब्लु क्रस हस्पिटलले प्रत्येक शनिबार १२ बजे देखि ३ बजे सम्म चन्दागिरि हिल्समा उपस्थित सबैको निशुल्क स्वास्थ्य परीक्षण गर्ने भएको हो।
चन्दागिरि हिल्समा उपस्थित भक्तजन , पर्यटक र कर्मचारीलाई निःशूल्क स्वास्थ्य परिक्षण गरिने अस्पतालले जनाएको छ।
अस्पतालका नर्श तथा डाक्टरहरुले निःशुल्क स्वास्थ्य परीक्षण गर्नेछन्। साथै रिफर भइ ब्लु क्रस हस्पिटलमा उपचार गराउन आउनेहरुलाई विशेष छुटको व्यवस्था रहेको अस्पतालकी मार्केटीङ कोर्डिनेटर अस्मिता कार्कीले बताइन्।
