काठमाडौं - नेपाल डेन्टल एशोसिएसनको केन्द्रीय कार्यकारिणी समितिको काठमाडौंको चुनाव हुँदैछ।
दन्त चिकित्सकहरुको छाता संगठन एशोसिएसनको काठमाडौं उपत्यकाको चुनाव आज भएको हो। नेपाल पर्यटन बोर्डमा बिहान ९ बजेदेखि सुरु भएको चुनाव साँझ पाँच बजेसम्म हुनेछ। यसअघि काठमाडौं बाहिरको चुनाव वैशाख १६ गते १५ वटा मतदान केन्द्रमा भएको थियो।
एशोसिएसनको अध्यक्षमा डा प्रणय शाक्य र महासचिवमा डा विश्व प्रकाश ठाकुर निर्विरोध निर्वाचित भइसकेका छन्। उपाध्यक्षमा डा सुमन काफ्ले र डा रोशन चौधरी प्रतिस्पर्धामा छन्। कोषाध्यक्षमा डा विधान श्रेष्ठ र डा आशुतोष शुक्ला, सहसचिवमा डा हरिप्रसाद ओली र डा शंकर श्रेष्ठ बिच प्रतिस्पर्धा भइरहेको छ।
