काठमाडौं - पछिल्लो २४ घण्टामा ७८ जना कोरोना संक्रमित थपिएका छन्। देशभर गरिएको २२४ पीसीआर र ९२४ जनाको एन्टीजेन परीक्षणका क्रममा ७८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
गत २० घण्टामा एक जना कोरोना संक्रमितको मृत्यु भएको छ। हालसम्म १२ हजार २७ जनाको मृत्यु भएको मन्त्रालयले जनाएको छ। उक्त अवधिमा ५० जना संक्रमित निको भएका छन्। यो सँगै देशभर निको हुनेको संख्या ९ लाख ९० हजार १४७ पुगेको छ। देशभर हाल ३८३ जना सक्रिय संक्रमित छन्।
