काठमाडौं- वात्सल्य नेचुरल आईभीएफले नयाँ वर्षको अवसरमा भक्तपुरको गट्ठाघर चोकमा नयाँ शाखा संचालनमा ल्याएको छ।
नयाँ वर्षबाट संचालनमा ल्याइएको क्लिनिकले भक्तपुर र आसपासका क्षेत्रमा वसोबास गर्ने दम्पतिलाई सहजता प्रदान गर्ने विश्वास कार्यकारी निर्देशक प्रशान्त सुवेदीले लिए।
निःसन्तान दम्पतिका लागि सहुलियत उपचार सेवाको माग भइरहेको तथ्यलाई ध्यानमा राख्दै नयाँ शाखा संचालनको अवसर पारेर अल्ट्रासाउण्ड र आई यू आई निशुल्क प्रदान गर्ने सुवेदीले बताए।
सन्तान प्राप्त गर्न नसकेका तर खर्च धेरै हुने सोचका कारण आधुनिक उपचारमा जान नचाहने दम्पतिका लागि यो अवसर आफ्नो प्रजनन् अवस्था बुझ्न र आई यू आई मार्फत् सन्तान प्राप्त गर्न राम्रो अवसर सावित हुने उनको भनाई छ।
