काठमाडौं- मन्त्रालयको बाँडफाँट टुंग्याउन सत्ता साझेदार दलहरूको बैठक जारी छ। प्रधानमन्त्री पुष्पकमल दाहाल ‘प्रचण्ड’ले विश्वासको मत लिएको एक हप्ता भइसक्दा पनि मन्त्रिपरिषद् विस्तार गर्न सकेका छैनन्।
सत्ता साझेदार ११ दलमा मन्त्रालय र मन्त्रालयको संख्यामा विवाद हुँदा मन्त्रिपरिषद् विस्तारमा ढिलाइ भएको हो। मंगलबारको बैठक निर्णायक बनाउने पूर्वतयारी छ।
सत्ता साझेदार सबै दलका शीर्ष नेताहरूको छलफल बोलाउनुअघि प्रधानमन्त्री प्रचण्डले कांग्रेस सभापति शेरबहादुर देउवा र एकीकृत समाजवादीका अध्यक्ष माधव नेपालसँग छलफल गरेका थिए।
त्यही छलफलपछि यो बैठक बोलाइएको हो। मन्त्रालय बाँडफाँट मंगलबार नै टुंगिएमा बुधबार मन्त्रिपरिषद् विस्तार गर्ने तयारी प्रधानमन्त्री प्रचण्डले गरेका छन्।
