काठमाडौं- बेलायतमा कोरोना भाइरस संक्रमितहरूको संख्या पुनः वृद्धि हुन थालेको छ। सरकारी अधिकारीहरूले दिएको जानकारीअनुसार पछिल्लो २४ घण्टामा बेलायतमा ३२ हजार १८१ जना नयाँ संक्रमित थपिएका छन्।
बेलायतमा हालसम्म ६७ लाख ८९ हजार ५८१ जना संक्रमित भएको अधिकारीहरूले जानकारी दिएका छन्।
संक्रमितमध्ये बेलायतमा पछिल्लो एक दिनमा कम्तीमा ५० जनाको मृत्यु भएको छ। योसँगै बेलायतमा अहिलेसम्म कोरोनाका कारण एक लाख ३२ हजार ५३५ जनाको मृत्यु भइसकेको छ।
कुल संक्रमितमध्ये अहिलेसम्म ५४ लाख ६६ हजार ३१६ जना संक्रमणमुक्त भइसकेको जनाइएको छ।
बेलायतमा अहिले पनि ११ लाख ९० हजार ७३० संक्रमित अवस्थामै रहेको अधिकारीहरूले जानकारी दिएका छन्।
बेलायतमा अहिलेसम्म १६ वर्षभन्दा बढी उमेरका व्यक्तिमध्ये ८८ प्रतिशतले कम्तीमा एउटा खोप लगाइसकेका छन् भने ७८ प्रतिशतले दुवै खोप लगाएका छन्।
