काठमाडौं- पछिल्लो २४ घण्टाभित्र भारतमा ३ लाख ३८ हजार २३९ जना नयाँ संक्रमित थपिएका छन्। अघिल्लो दिन यो सख्या ३ लाख ६२ हजारभन्दा बढी थियाे।
कुल संक्रमित संख्याका आधारमा दोस्रो स्थानमा रहेको भारतमा कोरोना संक्रमितको संख्या २ करोड ४० लाख नाघेको छ।
पछिल्लो केही दिनयता दैनिक मृतकको संख्यामा समेत रेकर्ड बन्न थालेको भारतमा पछिल्लो २४ घण्टामा ३८ सय ८८ को मृत्यु भएको छ। यो पनि अघिल्लो दिनको तुलनामा केही कम हो। योसँगै कोरोना संक्रमणकै कारण भारतमा मृत्यु हुनेको कुल संख्या दुई लाख ६२ हजार नाघेको छ।
संक्रमितमध्ये २ करोडभन्दा बढी निको भइसकेका छन् ३७ लाखभन्दा बढी सक्रिय संक्रमित रहेका छन्।
विश्वमा कुल संक्रमितका आधारमा अगाडि रहेको अमेरिकामा तीन करोड ३६ लाखभन्दा बढी संक्रमित रहेका छन्। पछिल्लो २४ घण्टामा त्यहाँ करिब ३८ हजार संक्रमित थपिएका छन् भने ७४४ जनाको मृत्यु भएको छ।
तेस्रोमा रहेको ब्राजिलमा करिब एक करोड ५४ लाख संक्रमित रहेका छन्। त्यहाँ पछिल्लो २४ घण्टामा ७५ हजारभन्दा बढी संक्रमित थपिँदा २३ सयभन्दा बढीको मृत्यु भएको छ।
