काठमाडौं- अमेरिकामा कार्यरत नेपाली डाक्टर आदित्य जोशीले रचना गरेको देशभक्ति गीत सार्वजनिक भएको छ। बालरोग विशेषज्ञ डा जोशीले लेखेको गीत युट्युव मार्फत सार्वजनिक गरिएको हो। डा जोशीको लय र शब्द रहेको उक्त गीत नन्द नयारले गाएका हुन्। संगीत पनि नयारले नै दिएका हुन्।
अमेरिकाको मार्सफिल्ड विसकोन्सिनमा बसाेबार गर्ने डा जोशीलाई गीत लेखनमा किशोरावस्थादेखि नै रुची थियो। उनले थुप्रै गीतहरु लेखिसकेका छन्।
अमेरिकाको व्यस्त जीवनशैलीमा फुर्सद निकालेर उनी गीत लेखनमा रमाउँछन्। भन्छन् 'गीत मार्फत म आफ्नो र समाजको कुराहरुलाई बाहिर ल्याउने गर्छु। नेपालीसँगै म हिन्दी गीत पनि लेखिरहेको हुन्छु।'
हालै सार्वजनिक उनको गीतमा विदेशमा रहेका नेपालीहरुको भावना बोलेको छ।
हेरौं भिडियो
