काठमाडाैं– बेलायतमा कोरोना भाइरसको संक्रमण र मृतक संख्या निरन्तर ओरालो लागेकाे छ।
करिब ४० प्रतिशतले काेराेना भाइरस संक्रमितकाे दर कमी आएको ‘डिपार्टमेन्ट अफ हेल्थ एण्ड सोसल केयर’ ले जनाएकाे हाे।
उसकाे अनुसार पछिल्लो २४ घन्टामा थप १४४ जना कोरोना संक्रमितको मृत्यु भएको छ। याेसँगै बेलायतमा हालसम्म एक लाख २२ हजार ८४९ जना कोरोना संक्रमितको मृत्यु भएको छ।
यता आइतबार थप ६ हजार ३५ जनामा कोरोना संक्रमण पुष्टि भएको छ। दैनिक संक्रमितकाे संख्या गत सेप्टेम्बर यताकै सबैभन्दा कम हो। थपिएका नयाँ संक्रमितसँगै कुल संक्रमितको संख्या ४१ लाख ७६ हजार ५५४ पुगेको छ।
