एजेन्सी– अमेरिकी राष्ट्रपति डोनाल्ड ट्रम्प कोरोना संक्रमण निको भएपछि पहिलोपटक चुनावी र्यालीमा सहभागी भएका छन्। कोरोना परीक्षणको नतिजा नेगेटिभ आएपछि उनी सार्वजनिक कार्यक्रममा सहभागी भएका हुन्।
फ्लोरिडामा आयोजित कार्यक्रममा उनले एक घण्टा लामो भाषण गरे। त्यसक्रममा उनले आफू मजबूत भएको महसुस गरिरहेको र कोरोनाप्रतिरोधी भएकाले र्यालीमा आएका हरेक मानिसलाई चुम्बन गर्न सक्ने बताएका थिए।
उनले आफ्ना प्रतिद्वन्द्वी जो बाइडेनको आलोचना गर्दै उनी बामपन्थी समूहको भएको बताए। ट्रम्पले मिडिया पक्षपाती भएको आरोप लगाए।
सेन्फर्ड सहरमा आयोजित र्यालीमा कुनै सामाजिक दूरी पालना भएको थिएन भने कैयौंले मास्कसमेत लगाएका थिएनन्।
