नयाँ दिल्ली- भारतीय पूर्वराष्ट्रपति प्रणव मुखर्जी ‘डिप कोमा’मा रहेको उनको उपचार गरिरहेको भारतीय सैनिक अस्पतालले जनाएको छ। नयाँ दिल्लीको आर्मी रिसर्च एण्ड रिफरल अस्पतालले बुधबार एक विज्ञप्ति प्रकाशन गरेर सो विषयमा जानकारी गराएको हो।
सो अस्पतालले पूर्वराष्ट्रपति मुखर्जीलाई भेन्टिलेटरको सहायताले डिप कोमामा राखिएको जनाएको नयाँ दिल्लीबाट प्राप्त समाचारमा जनाइएको छ। उनलाई केही समय यही उपचार प्रविधिमा राखिने पनि सो अस्पतालले जानकारी दिएको बताइएको छ।
सो अस्पतालमा गत अगस्ट १० मा उनको मष्तिष्कको शल्यक्रिया गरिएको जनाइएको थियो। पछि उनलाई कोरोना भाइरसको संक्रमण भएको पनि समाचारमा जनाइएको थियो।
