नेपालमा कोरोना संक्रमित निको हुनेको संख्या बढ्दै गइरहेको छ। कुल संक्रमितमध्ये ६४ दशमलव ९ प्रतिशत निको भएका छन्। बिहीबार २१३ जना संक्रमणमुक्त भएका छन्।
नेपालमा साउन १ गतेसम्म १७ हजार ३४४ जनामा कोरोना संक्रमण देखिएको छ। संक्रमितमध्ये ११ हजार २ सय ४९ जना व्यक्ति कोरोना भाइरस संक्रमणमुक्त भएका छन्।
हाल देशभर ६ हजार ५६ जनाका संक्रमितको भने उपचार भइरहेका भइरहेको छ। नेपालमा गतमाघ ९ पहिलो पटक एक जना व्यक्तिमा कोरोना भाइरस संक्रमण देखिएको थियो।
वैशाख, जेठ र असारको पहिलो हप्ता उकालो लागेको कोरोना संक्रमितको संख्या अहिले घटिरहेको स्वास्थ्य मन्त्रालयको तथ्यांक छ।
