एजेन्सी– अमेरिकामा कोरोना भाइरस संक्रमितको संख्या २५ लाख नाघेको छ। हालसम्म्म १ लाख २५ हजार ४ सय ८० जनाले ज्यान गुमाइसकेका छन्।
अमेरिकामा कुल २५ लाख ५ हजार ५ सय ९३ जना संक्रमित रहेका छन् । फ्लोरिडा ,एरिजोनासमेत कैंयौ राज्यमा कोरोना भाइरसको संक्रमण अझै पनि तीव्र गतिमा फैलिइरहेको छ। केही राज्यले लकडाउन फेरि लागू गरेका छन् ।
फ्लोरिडामा लगभग १० हजार नयाँ संक्रमित फेला परेका छन् । एरिजोनामा साढे तीन हजार नयाँ संक्रमित थपिएका छन् । यसपछि कैयौ क्षेत्रमा प्रतिबन्ध सुरु भएको छ।
अमेरिकामा शनिबारमात्र ३२ हजार ८ सय ६५ नयाँ संक्रमित फेला परेका थिए भने ३ सय ९५ को मृत्यु भएको थियो। यसअघि शुक्रबारमात्र एकैदिन ४० हजार नयाँ संक्रमित फेला परेका थिए, जुन अहिलेसम्मकै सर्वाधिक संक्रमित फेला परेको दिन थियो।
