लण्डन– अर्बुद(क्यान्सर) सम्बन्धि रोगबाट बच्न वा रोक्न धुम्रपानभन्दा पनि राम्रो उपाय शरीरलाई अनावश्यक मोटो हुनबाट जोगाउनु हुने विश्वकै सबैभन्दा ठूलो क्यान्सर रोगसम्बन्धि अनुसन्धानमा स्वतन्त्र रूपमा लगानी गर्ने बेलायतस्थित एक अनुसन्धानमुलक संस्थाले शुक्रबार जनाएको छ।
बेलायती अर्बुद रोग अनुसन्धान संस्थाका कार्यकारी प्रमुख हरपल कुमारले पछिल्लो समय धुम्रपानकर्ताहरूको दरमा कमी देखिन थालेको र मानिसमा मोटोपनाको समस्या बढ्दो देखिएपछि अध्ययन गरिएको बताए। उनले संसारको सबैभन्दा बढी मृत्युको कारक धुम्रपान मानिदै आएपनि मोटोपना क्यान्सरको प्रमुख कारक हुने दावी गरे।
‘हामी सचेत बनेनौँ भने मोटोपनाको समस्या धुम्रपानभन्दा बढी खतरनाक बन्नेछ,’ कुमारले भने।
‘मलाई के लाग्छ भने क्यान्सर रोगका यी दुई कारकमध्ये मोटोपनाको कारण आउने समस्या आगामी एक दुई दशकमा विकराल बन्नेछ।’
सन् २०१५ मा क्यान्सर रोगका कारकको अध्ययनका लागि लिइएको तथ्याङ्कको विश्लेषणपछि संस्थाले भनेको छ, ‘बेलायतमा अर्बुद रोगबारे गरिएको अनुसन्धानबाट कुनैपनि व्यक्तिको 18मा ल्याउन सकिने परिवर्तनले ३७ दशमलब ७ प्रतिशत क्यानसरजन्य रोगलाई रोकथाम गर्न सकिन्छ।’
धुम्रपान नगर्नु क्यानसरसम्बन्धि समस्याबाट बच्नका लागि अपनाउन सकिने एउटा प्रमुख उपाय हो। धुम्रपान गर्ने बानी हटाउँदा १५ दशमलब १ प्रतिशत समस्याको रोकथाम गर्न सकिने संस्थाले बताएको छ। यसअघि सन् २०११ को अध्ययनले १९ दशमलब ४ प्रतिशत समस्याको रोकथाम गर्न सकिने पाइएको बताएपनि समय र मानिसको आनीबानीमा आएको परिवर्तनसँगै अर्बुद रोगको कारक तत्वको भूमीकामा पनि परिवर्तन देखिएको हो। सन् २०११ मा मोटोपना नियन्त्रणका कारण यो रोगको समस्या टाढा गर्न सकिने सम्भावना ५ दशमलब ५ प्रतिशत देखाइएको थियो। तर शुक्रबार सार्वजनिक तथ्याङ्कले मोटोपनाको कारण ६ दशबलम ६ प्रतिशत रोगीमा क्यान्सर समस्या देखिएको निष्कर्ष निकालिएको छ।
यसपछिका कारक तत्वमा सूर्यको किरणमा आएका परावैजनी किरणबाट ३ दशमलब ८ प्रतिशत, सनवाथ र व्यवसाय गर्दा पर्ने सूर्यको प्रकाशको प्रभावबाट हुने समस्या ३ दशमलब ८ प्रतिशत, सङ्क्रमणबाट ३ दशमलब ६ प्रतिशत, रक्सी र रक्सीजन्य पदार्थको सेवनका कारण ३ दशमलब ३ प्रतिशत तथा फाइभरजन्य पदार्थको कमीलगायत रहेको अध्ययनले देखाएको छ।
बेलायती अनुसन्धानमुलक पत्रिकामा जनाइए अनुसार मोटोपनाका कारण आन्द्रा, स्तन, गर्भासय तथा मृगौलालगायतका स्थानमा हुने विभिन्न १३ थरि क्यान्सर रोगको समस्या आउने पाइएको छ।
कुमारले भने, ‘असल 18ले क्यान्सरबाट मुक्त हुने प्रत्याभूत त हुँदैन तर यसले कुनैपनि व्यक्तिलाई यस रोगबाट बच्नमा मद्दत गर्ने सम्भावना भने हुन्छ। अर्थात् जीवनयापन राम्रो भएका व्यक्तिलाई पनि क्यान्सर लाग्ने सम्भावना भने रहन्छ।’ रासस÷एएएफपी
