काठमाडौं– विश्वभर पछिल्लो २४ घण्टामा २१ लाख ९६ हजार ९५६ जना कोरोना संक्रमित थपिएका छन्। योसँगै विश्वभर कुल संक्रमितको संख्या ३९ करोड ३५ लाख नाघेको छ।
सो अवधिमा २० लाखभन्दा बढी संक्रमणमुक्त भएका छन् भने ८ हजार ७२ जनाको मृत्यु भएको छ। पछिल्लो केही दिनदेखि अमेरिका र युरोपमा संक्रमण बिस्तारै दैनिक संक्रमितको संख्या घट्न थालेको छ। पछिल्लो केही दिनयता भारतमा समेत दैनिक संक्रमित हुनेको संख्या घट्दो छ।
पछिल्लो २४ घण्टामा अमेरिकामा १ लाख ५ हजार भन्दाबढी, फ्रान्समा २ लाख १४ हजार, इटलीमा ९३ हजार, ब्राजिलमा १ लाख ५४ हजार संक्रमित थपिएका छन्।
पछिल्लो २४ घण्टामा भारतमा १ लाख ३ हजारभन्दा बढी संक्रमित थपिँदा ८८४ जनाको मृत्यु भएको छ।
