काठमाडौं– विश्वभर पछिल्लो २४ घण्टामा २६ लाख २५ हजार ४५७ जना कोरोना संक्रमित थपिएका छन्। योसँगै विश्वभर कुल संक्रमितको संख्या ३७ करोड २८ लाख नाघेको छ।
सो अवधिमा २१ लाख ७ हजारभन्दा बढी संक्रमणमुक्त भएका छन् भने ७ हजार ६२९ जनाको मृत्यु भएको छ। पछिल्लो केही दिनदेखि अमेरिका र युरोपमा संक्रमण बढेसँगै दैनिक संक्रमितको संख्यासमेत उच्च हुन थालेको हो। पछिल्लो समय भारतमा समेत दैनिक संक्रमित हुनेको संख्या उच्च छ।
पछिल्लो २४ घण्टामा अमेरिकामा १ लाख ८९ हजार भन्दाबढी, फ्रान्समा ३ लाख ३२ हजार, इटलीमा १ लाख ३७ हजार, बेलायतमा ७२ हजार संक्रमित थपिएका छन्।
पछिल्लो २४ घण्टामा भारतमा २ लाख २९ हजारभन्दा बढी संक्रमित थपिँदा ८९२ जनाको मृत्यु भएको छ।
