काठमाडौ– विश्वभर पछिल्लो २४ घण्टामा ३४ लाख ३६ हजार ३४ जना कोरोना संक्रमित थपिएका छन्। योसँगै विश्वभर कुल संक्रमितको संख्या ३४ करोड २७ लाख नाघेको छ।
पछिल्लो केही दिनदेखि अमेरिका र युरोपमा संक्रमण बढेसँगै दैनिकसंक्रमितको संख्यासमेत उच्च हुन थालेको हो। पछिल्लो २४ घण्टामा अमेरिकामा ६ लाख भन्दाबढी, फ्रान्समा ४ लाख २५ हजार, इटलीमा १ लाख ८८ हजार, बेलायतमा १ लाख ७ हजार संक्रमित थपिएका छन्।
सो अवधिमा ३० लाखभन्दा बढी संक्रमणमुक्त भएका छन् भने ८ हजार ७५३ जनाको मृत्यु भएको छ।
पछिल्लो २४ घण्टामा भारतमा ३ लाख ४४ हजारभन्दा बढी संक्रमित थपिँदा ७०३ जनाको मृत्यु भएको छ।
