काठमाडौ– विश्वभर पछिल्लो २४ घण्टामा २४ लाख ४ हजार ५६२ जना कोरोना संक्रमित थपिएका छन्। योसँगै विश्वभर कुल संक्रमितको संख्या ३२ करोड ६६ लाख नाघेको छ।
पछिल्लो केही दिनदेखि अमेरिका र युरोपमा संक्रमण बढेसँगै दैनिकसंक्रमितको संख्यासमेत उच्च हुन थालेको हो। पछिल्लो २४ घण्टामा अमेरिकामा ४ लाख ४ हजार, फ्रान्समा ३ लाख २४ हजार, इटलीमा १ लाख ८० हजार, बेलायतमा ८१ हजार संक्रमित थपिएका छन्।
सो अवधिमा १० लाखभन्दा बढी संक्रमणमुक्त भएका छन् भने ५ हजार ६९८ जनाको मृत्यु भएको छ। पछिल्लो २४ घण्टामा भारतमा २ लाख ६८ हजारभन्दा बढी संक्रमित थपिएका छन्।
