काठमाडौ– विश्वभर पछिल्लो २४ घण्टामा ३१ लाख ७५ हजार ५४८ जना कोरोना संक्रमित थपिएका छन्। योसँगै विश्वभर कुल संक्रमितको संख्या ३२ करोड नाघेको छ।
पछिल्लो केही दिनदेखि अमेरिका र युरोपमा संक्रमण बढेसँगै दैनिकसंक्रमितको संख्यासमेत उच्च हुन थालेको हो। पछिल्लो २४ घण्टामा अमेरिकामा ८ लाख ६ हजार, फ्रान्समा ३ लाख ५ हजार, इटलीमा १ लाख ८४ हजार, बेलायतमा १ लाख ९ हजार संक्रमित थपिएका छन्।
सो अवधिमा ११ लाखभन्दा बढी संक्रमणमुक्त भएका छन् भने ७ हजार २९९ जनाको मृत्यु भएको छ। पछिल्लो २४ घण्टामा भारतमा २ लाख ५३ हजारभन्दा बढी संक्रमित थपिएका छन्।
