काठमाडौं- भारतमा बनेको कोरोनाविरुद्धको खोप 'कोभ्याक्सिन' लाई विश्व स्वास्थ्य संगठनले आपतकालिन प्रयोगको अनुमति दिएको छ।
पछिल्लो केही महिनायता कोभ्याक्सिन बनाउने भारतीय कम्पनी भारत वायोटेक र विश्वस्वास्थ्य संगठनबीच यसबारेमा कुराकानी भइरहेको थियो।
संयुक्त राष्ट्र संघको उक्त संगठनले समय-समयमा भारतमा बनेको यस भ्याक्सिनका बारेमा निर्मातासँग विस्तृत जानकारी माग गरेको थियो ताकि यसको अन्तर्राष्ट्रिय मापदण्ड जाँच गर्न सकियोस्।
डब्ल्यूएचओले गरेको ट्वीटमा लेखिएको छ, " डब्ल्यूएचओले भारत वायोटेकद्वारा निर्मित भ्याक्सिनको 'इमरजेन्सी यूज लिस्टिङ' मा सामेल गरेको छ। अब कोभिडको रोकथामका लागि थप एक खोप जोडिएको छ।"
